olan ba'zı zevât bu aralık asâkir-i Osmânîye ordularından ba'zısının seferber hâline vaz'ı lüzûmunu sultana arz etmiş. Sultan tahrîkâtı mûcib olacak her dürlü mukarrerât ve tedâbir ittihâzına muvâfakat etmeyeceğini cevâben bildirmiş.

Yine buna rağmen şehr-i hâlin onbeşinci gününden beri serasker Edirne'ye tahmînen yüzelli vagon top ve levâzımât-ı harbiye ile beş yüz bargir göndermişdir.

*
* *
Türkiye'nin tedârikât-ı harbiyesi hakkında "Berlin Lokal Ancaygır(?)." nâmındaki Alman gezetesinde görülen fıkranın tercümesidir:

Makâsıd-ı harbiyeye tahsîs edilen vagonların her dürlü ihtimâle karşı hazır bulundurulmasını Bâb-ı Âlî şark şimendiferleri idâresine bildirmişdir. Serasker mezkûr vagonlardan yüz vagon sipâriş edüb bunların altmışiki vagonu şehr-i hâlin onaltıncı günü mahall-i maksûda gönderilmişdir. İşbu altmışiki vagonun otuzu süvâri bargiri, mütebâkîsi de sahra topu ve sâir levâzımât-ı harbiye ile mahmûl imiş. Ertesi günü de Edirne'ye ellisekiz vagon mühimmat-ı harbiye sevk olunacağı mukarrerdir. Avrupa-yı Osmanînin cihet-i garbiyesinde bulunan vilâyete seri' ateşli grub toplarının sü'at-i mümküme ile gönderilmeleri musammem ve mukarrerdir.

18 Ağustos, İstanbul:
Bulgaristan'da vuku'a gelen Rum mes'elesi üzerine Rum patriğinin şikâyetâmiz olarak {{Prens Ferdinand}} hazretlerine gönderdiği mektuba prens müşârunileyhin Bulgaristan'ın İstanbul kapukethüdalığı vâsıtasıyla verdiği cevâb pek şiddetli imiş.

Yine bunun üzerine gayr-ı tebeyyün olmayan patrik yeni yeni bir takım yalanlar îcâdıyla âlemi rahatsız etmeğe devâm ediyor.

Dünkü gün düvel-i mu'azzamanın Bura süferâsına takdîm etmiş olduğu muhtıra da Bulgaristan'da meskûn Bulgarların [..] tabi'atına girmeleri içün mahza tehdîdâtda bulunmak üzere bir takım hafî cem'iyetler teşkîl edildiğini ve bu yüzden zengin ve kibar Rumların Bulgaristan'dan firâra mecbûr edildiklerini beyân etmiş.

Netîce i'tibariyle Rumlara tarziye verilmesiyle istatoku denilen müvazenet ve müsâlemet-i umûmîyenin takdîrine tavassut edilmesini ricâ etmişdir.

--------oOo--------

KARADAĞ ve MAKEDONYA PRENSLİĞİ
Rumeli vilâyet-i şahânesinde mevkî'i tatbîke konan [..] ıslâhat programını gayr-i kafî add edüb vilâyet-i selâse-i mezkûreye muhtariyet-i idâre verilmesini iddi'â eden İngiltere, Rusya ve Avusturya kabinelerine Makedonya'ya ta'yin edilecek valinin Karadağ prensi intihâb edilmesini teklif etmişse de Avusturya hükümeti [..] ıslâhat programının Makedonya'da istalahat-ı idârîyeyi te'mine kâfî olduğu iddi'âsıyla bu teklifi şiddetle red etmekdedir. İngiltere'nin bu hesabca niyeti, bir "Karadağ ve Makedonya Prensliği" teşkîl etmek olacak ki harita-i siyâsetde henüz böyle bir safha görülmüyordu. Bakalım mes'ele daha ne kalıblara girecek.

--------oOo--------

İRAN'LA HUDUD MES'ELESİ
İran hükümetiyle Hükümet-i Seniyye arasında yeni bir hudûd hâdisesi daha oldu. Bundan onbeş gün kadar evvel Acem hudûdunda yirmi kadar karây mülhakasıyla berâber Marguvar mutasarrıflığı Osmanlı askeri tarafından her nedense işgâl edilmiş.

Acem sefîri bunun üzerine Bâb-ı Âlî'ye verdiği notada, bu hareketin müehharan Bâb-ı Âlî ile İran hükümeti arasında caygîr olan ihtilâfa menâfî ve dostluğa ya-