-kışmayacağını ve netîcenin her halde vehâmeti derkâr olduğunu billdirmişdir.
&& Tahran'da geçende tahaddüs eden ihtilâl-i dâhilî üzeine İngiltere hükümeti {{Basra}} Körfezine iki zırhlı göndermişdir.
&& Mansatır mahkeme-i cinâyeti ahiren derdest edilen onbeş Rum komitesinin müebbeden küreğe mahkûmiyetlerine karâr vermiş ve bu hüküm {{Hüseyin Hilmi Paşa}} tarafından icrâsı emri verilen şiddetin bir mukaddimesi gibi talakki edilmişdir.
----ooo----
RUSYA BAŞVEKİLİNİN ÜMİDSİZLİĞİ
Rusya başvekili mösyö Stolipin kendisine sû-ikasd edildiğinin ferdâsı günü Duma a'zalarından büyük bir zâta şu ifâdede bulunmuşdur:
"Ben bu halden me'yûsum. Hükümetin bu dehşet ve ihtilâle karşı Duma'yı tekrar küşâd etmekden başka çâresi olmadığın zannetmekdeyim. Vâkı'a Duma açılacak güyâ Duma a'zaları i'tidalperverândan intihâb edilecek. Fakat ihtilâlciler yine dediğini diyecek, yine dediklerini yapacaklar. Herhalde eski Duma'nın tekâlifatını kabûl ile onu tekrar küşâd etmekden başka çâre görmüyorum."
Rusya başvekili demek istiyorki hürriyeti içün kanına susamış bu millete hürriyet-i kâmile bahş etmekden başka necat yokdur.
----oOo----
NAÇOVİÇ SOFYA'DA
Bulgaristan'ın İstanbul maslahatgüzarı Naçoviç efendi Sofya'ya gelmişdir.
Naçoviç efendi şimdi şübhesiz prens hazretlerini bekliyor. Prens hazretlerinin de birkaç güne kadar Sofya'ya avdeti mukarrer imiş.
----oOo----
SIRBIYE'NİN KORKUSU
Sırbiye matbû'âtı ve bilhassa hükümetin gazeteleri dahî Avustırya'nın Sırbiye hudûdunda asker tahşîde başladığını yazıyor ve bu yüzden çok telâşdalar.
Avusturya ve Macaristan Sırbiye hudûdunda Bunat ve Felafuvan nâm mevâki-i askeriyeye asker gönderiyormuş.
----oOo----
TA'ZİYET
Filibe eşrâf-ı kadîmesinden Ahmed Bey merhumun onaltı yaşlarında bulunan kerîme-i yetimesi bundan bir hafta evvel tecennünle dünkü gün bir sûret-i fecîada irtihal-ı dâr-ı yağm(?) eyledi. Yetime-i merhumenin şu sûret irtihâli bütün hemşehrilerini dağdâr-ı hüzn ve esef etdi. Mevlâ âile-il medîdesine sabr-ı cemil ihsân etsün. Rahmetullahi aleyh rahmete vâsi'a.
İ'LÂN
Matba'amızda her nev'i risâleler tüccâr faturaları, kartvizitler, i'lânlar ehven fiyatla ve kemâl-i nefâsetle basılır.
* *
Mu'allim ve yâhud kâtib arayanların dikkatine!
Mekâtib-i rüşdîyelerde okunan bilcümle ulûm ve funûnu tedrîse mukadder Bulgarca Fransızca yazar ve konuşur müdîr, mu'allim, muhâkeme-i şer'iyyede mütercim ve ticârethânelerinde bir kâtib ihtiyâcı olan zevâtın idârehânemize lütfen mürâca'atları i'lân olunur.
* * *
Kitabcı Şerâfeddin Şehididdin Rusya'da Ornoburu'da bulunan bu kütübhânede memâlik-i islâmiyede intişâr eden bilcümle [..] islâmiye ve kütüb-ü mütenevvi'a ve tekâvim-i meşhûra bulunmakdadır.